(દમણગંગા ટાઈમ્સ પ્રતિનિધિ)

દમણ, તા. ૨૦ ઃ  માય ભારત (માય યંગ ઇન્ડિયા) ઍ દમણમાં ડ્રગ-મુક્ત યુવા - ૧૦૦ અઠવાડિયૉ અભિયાન શરૂ કર્યું જેથી યુવાનોમાં ડ્રગના દુરુપયોગ અને માદક દ્રવ્યોના દુરુપયોગ વિશે જાગૃતિ આવે. આ અભિયાનના ભાગ રૂપે, સતત ૧૦૦ અઠવાડિયા સુધી દર રવિવારે યુવાનોની ભાગીદારી સાથે જાગૃતિ અને ઇન્ટરેક્ટિવ પ્રવૃત્તિઓનું આયોજન કરવામાં આવશે.

કોળી સમાજ હોલ ખાતે આયોજિત આ અભિયાનના ઉદ્ઘાટન કાર્યક્રમમાં ૨૦૦ થી વધુ યુવાનોઍ ભાગ લીધો હતો. ડેપ્યુટી કલેક્ટર આરતી અગ્રવાલ મુખ્ય મહેમાન હતા. દાદરા અને નગર હવેલી અને દમણ અને દીવ ભાજપના પ્રદેશ પ્રમુખ મહેશ અગરિયા, વિવિધ વોર્ડના કાઉન્સિલરો, સરપંચો અને અન્ય જનપ્રતિનિધિઓ પણ હાજર રહ્ના હતા.

ઝુંબેશના પહેલા જ દિવસે મોટી સંખ્યામાં યુવાનોની ભાગીદારી સાથે, આયોજકોઍ વ્યસન મુક્તિ અંગે જાગૃતિ વધારવા અને યુવાનોને ઝુંબેશ સાથે જોડવાનો સંદેશ આપ્યો.